ଜୀବ୍ ନେ ଯଦି ପର୍ହର୍ ଆଁଖି
ଝରି ପଡେ ଟିକେ ଲହ
ପାସ୍ କେ ଯେଇ ନେଇ କହୁଛୁ
କାଁଏଟା ହେଲାଯେ କହ
ପଢି ଥିଲେ ହେଲେ ବିଏ
ତୁଁଇ ଅଉ କହ କିଏ…….?
ମୁନୁଷର୍ ଦୁଖ୍ ଦେଖି ଯଦି
କେଁଭେ ନାଇ କରି ଆହା
ବିପଦ୍ ଆପଦ୍ ବେଲେ ତୁଇ
ନାଇ ହେଲୁ ଯଦି ସାହା
ତତେ ଚିହ୍ନେ ଅାର୍ କିଏ
ତୁଇ ଅଉ କହ କିଏ……..?
ଯାହାର୍ ମୁହୁକେ ଦେଖି କରି
ଭିତରର୍ କଥା ବୁଝି
ତାର୍ ଲାଗ୍ ଲା ଋଣ୍ କେ ତୁଇ
ନାଇ ପାର୍ଲୁ ଯଦି ସୁଝି
କିଏ ଆର୍ ସାତ୍ ଦିଏ
ତୁଇ ଅଉ କହ କିଏ……..?
କାହାରିର୍ କଥା ନାଇ ରଖି
ନାଇ ଚିହ୍ନୁ ଯଦି ମନ୍
ପଏସା ଟଁକାର୍ ଲୁଭେ ପଡି
କହୁ ଥିସୁ ଖାଲି ଧନ୍
କେନ୍ତା ତୁଇ କର୍ବୁ ନିଏ
ତୁଇ ଅଉ କହ କିଏ…
ତୁଇ ଅଉ କହ କିଏ……..?
ହ୍ରୁଷିକେଶ୍ ସାହୁ, ତାଣ୍ଡୋଲ୍ , ସୋହେଲା , ବରଗଡ଼, ୬୩୭୨୩୭୧୬୬୩
